Cyfarfod y Cyfeillion yng Nghymru | Eitemau Bostio Cyfredol

Ein cyfarfod nesaf :

Cyfarfod y Cyfeillion yng Nghymru – Cyfarfod Nesaf

22^ain Chwefror, Llanbedr Pont Steffan

Annwyl Gyfeillion,

Cynhelir Cyfarfod Nesaf y Cyfeillion yng Nghymru yn Ganolfan Steffan, Rhes Ffynnonbedr, Llanbedr Pont Steffan SA48 7BX

Byddwn yn agor gyda chyfnod o addoli distaw.

Dylid nodi bod Cyfeillion lleol yn cynnig llety dros nos.

Os oes gynnoch chi ddiddordeb, cysylltwch â: admin@quakersinwales.org.uk

Sesiwn y bore:

Mae’r Cyfeillion yng Nghymru yn ystyried y materion hynny y teimlwn eu bod yn hanfodol i’n bywydau fel Crynwyr.

Tynnodd y papur “Y Gwahaniaethau Diwylliannol” ein sylw at natur wahanol Cymru. Mae Llywodraeth Cymru wedi pwysleisio’r gwahaniaeth drwy’r ddeddfwriaeth y mae eisoes wedi’i phasio ond nid yw holl drigolion Cymru yn deall cyflawniadau a phosibiliadau’r genedl ddatganoledig. Bydd Peter yn arwain gweithdy ar y materion hynny a ddynodwyd gan Gyfarfodydd Ardal fel y rhai sy’n hanfodol i’r Cyfeillion yng Nghymru a bydd yn cyflwyno system i rannu datblygiadau sydd ar y gweill. A yw ein Tystiolaeth i’r Byd yn gweddu’n gyfforddus i’r datblygiadau blaengar hyn? A allwn ni, yn garfan fechan, effeithio ar y ffordd y mae ein cenedl yn datblygu?

Sesiwn y prynhawn:

Bydd y cyfarfod hwn yn cynnig y cyfle i Gyfeillion sydd â rolau penodol i gwrdd mewn grwpiau i rannu eu profiadau a dysgu oddi wrth ei gilydd. Y tro yma, Enwebiadau, gwaith gyda Phlant a Phobl Ifainc ac Ymddiriedolwyr a Thrysoryddion fydd dan sylw. Gwahoddwn yr holl Gyfeillion sy’n bresennol i’n helpu i ddirnad ffyrdd y gallwn gydweithio’n well, rhannu arferion da a symleiddio ein strwythurau fel y bydd deiliaid rolau’n cael cefnogaeth ddigonol a heb fod o dan ormod o bwysau.

Download (PDF, Unknown)

2020 Blwyddiadur

2020

22ain Chwefror, LLANBEDR PONT STEFFAN

27ain Mehefin, BANGOR

24ain Hydref, Y FENNI